Увечары 22 студзеня каталіцкія вернікі Навагрудчыны на гарадской плошчы сустрэлі фігуру Святога Арханёла Міхала з санктуарыя на гары Святога Анёла ў масіве Гаргана (Італія). Працэсія рушыла ў касцёл Святога Арханёла Міхала, дзе адбылася святая імша.
Да гэтага святыня пабывала ў храмах г. Мінска і некалькіх парафіях Мінскай вобласці. На Гродзеншчыне Навагрудак стаў першым горадам, куды прыбыла фігура. Як расказаў настаяцель парафіі Святога Арханёла Міхала ксёндз Юрый Жэгарын, у нашым горадзе святыня будзе знаходзіцца на працягу тыдня. Кожны дзень святары і вернікі будуць маліцца Святому Міхалу, які з'яўляецца заступнікам нашага краю, за сем’і, мір і ў іншых інтэнцыях.
Анастасія Пятрова, "НЖ"
Варта пачытаць:
Приход Святого Архангела Михаила г. Новогрудка подвел итоги благотворительной акции "Кошык Дабрыні"
Рождественская елка в приходе Святого Архангела Михаила собрала около 60 детей