У Доме-музеі Адама Міцкевіча ў Навагрудку 15 верасня ладзіўся шляхецкі баль у гонар 220-годдзя са дня нараджэння паэта.
Кожны наведвальнік Дома-музея Адама Міцкевіча змог не толькі наведаць музейную экспазіцыю, але і акунуцца ў эпоху XIX стагоддзя і адчуць атмасферу таго часу, прыняць удзел у салонных гульнях, і, канечне, навучыцца танцаваць бальныя танцы.
На Навагрудчыну завіталі ўдзельнікі клуба культурна-гістарычнай рэканструкцыі « Паўночная вежа» з г. Віцебска і школы танцаў «Капітэль» з г. Мінска.
Традыцыйны шляхецкі адкрыўся ўрачыстым паланэзам, які пацвердзіў узнёслы характар мерапрыемства. Вельмі насычанай і разнастайнай была праграма ўсяго шляхецкага балю: вытанчаныя вальсы, вяселыя і пяшчотныя кантрадансы і кадрылі. Танцавальная частка балю прайшла пад жывую музыку – акампаніравала музыкант з Віцебска Алена Лаўрэнава.
Таксама ўвазе гасцей быў прапанаваны літаратурна-музычны салон, на якім прагучалі творы, звязаныя з творчасцю Таварыства філаматаў і філарэтаў.
Прысутным на мерапрыемстве было не да суму. Разам гулялі ў гульню «Жывыя карціны», даведваліся не толькі пра новыя віды вальсаў, але і самі вучыліся іх танцаваць. Менавіта гэта больш за ўсё і спадабалася гледачам. Удзельнікі танцаў спачатку з дапамогай удзельнікаў клуба, а пазней і самі паўтаралі прыгожыя рухі. Выходзячы з залы музея, яны прызнаваліся, што ім было не так ужо і лёгка, аднак вельмі спадабалася.
Перад гасцямі і прысутнымі выступілі і нашы землякі – вакальная група «Свіцязянка».
Напрыканцы балю ўсім жадаючым была прапанавана экскурсія па сядзібе і магчымасць сфатаграфавацца на памяць.
Вольга Пісар, «НЖ».
ВАРТА ПАЧЫТАЦЬ:
«Закаханы ў Беларусь» – выстаўка пад такой назвай праходзіць у Доме-музеі Адама Міцкевіча
Представители турагенств Гродненской области изучили туристический потенциал Новогрудчины
