Часцяком уладальнікі паляўнічай зброі пры правядзенні палявання ажыццяўляюць нашэнне паляўнічых нажоў. Халоднай зброяй з’яўляецца зброя, прызначаная для паражэння цэлі пры дапамозе мускульнай сілы чалавека пры непасрэдным кантакце гэтай зброі з аб’ектам паражэння.
На тэрыторыі Рэспублікі Беларусь забараняецца абарот халоднай зброі і нажоў, клінкі якіх альбо аўтаматычна дастаюцца з ручкі пры націску на кнопку або рычаг і фіксуюцца імі, альбо вылучаюцца за кошт сілы цяжару або паскоранага руху і аўтаматычна фіксуюцца, пры даўжыні клінка больш за 90 мм. Таксама забараняецца нашэнне грамадзянамі халоднай зброі ў мэтах самаабароны, за выключэннем выпадкаў перавозкі або транспарціроўкі названай зброі.
Згодна з Законам Рэспублікі Беларусь «Аб зброі», паляўнічую халодную зброю маюць права набываць грамадзяне, якія пастаянна пражываюць у Рэспубліцы Беларусь і маюць дазвол органаў унутраных спраў на захоўванне і нашэнне паляўнічай агнястрэльнай зброі. Названая зброя рэгіструецца пры яе рэалізацыі гандлёвым прадпрыемствам шляхам адзнакі ў дазволе органаў унутраных спраў на захоўванне і нашэнне паляўнічай агнястрэльнай зброі.
За незаконнае нашэнне альбо перавозку халоднай зброі прадугледжана адміністрацыйная адказнасць арт. 23.47 КоАП РБ «Незаконныя дзеянні ў дачыненні да халоднай зброі», што цягне накладанне штрафу ў памеры ад 2 да 6 базавых велічынь з канфіскацыяй прадмета адміністрацыйнага правапарушэння або без канфіскацыі. Узрост прыцягнення да адміністрацыйнай адказнасці па дадзеным артыкуле прадугледжаны з 14 гадоў. Асоба, якая добраахвотна здала прадметы, названыя ў гэтым артыкуле, вызваляецца ад адміністрацыйнай адказнасці.
Крымінальная адказнасць за незаконныя дзеянні ў дачыненні да халоднай зброі ўстаноўлена арт. 296 Крымінальнага кодэкса РБ.
Інфармацыю аб зброі, боепрыпасах, выбуховых рэчывах і прыладах, якія незаконна захоўваюцца, вы можаце паведаміць па тэл.: 4-40-97 ці 102.
Ю. ГУЦЬКО,
старшы інспектар Навагрудскага РАУС