Традыцыйна куццю варылі з ячных або пшанічных круп.
Вігілійную вячэру, за якой збяруцца сёння каталіцкія сем’і, часта называюць куццёй — у гонар асноўнай стравы, якая падаецца ў гэты дзень. Але куцця гатуецца не толькі на Божае Нараджэнне. Згодна з народнай традыцыяй, гэта абрадавая страва павінна прысутнічаць на стале таксама на Шчодры вечар і перад Вадохрышчам.
Акрамя таго, куццю гатуюць для жалобнага стала па нябожчыку, на Дзяды, Радаўніцу і іншыя памінальныя дні. Цікавую традыцыю апісваюць фалькларысты Янка Крук і Аксана Катовіч. Аказваецца, куццю на памінкі стараліся варыць у дакладны час без хвілін, напрыклад роўна ў 9, 10, 11 гадзін. Прычым першым яе каштаваў самы блізкі да памерлага чалавек.
Традыцыйна куццю варылі з ячных або пшанічных круп. Але сёння дазваляецца выкарыстоўваць і рыс. Гатуюць куццю з дабаўленнем мёду, разынак, арэхаў, цукатаў, маку. Ёсць звычай, які, дарэчы, ад беларусаў перанялі суседзі на поўначы і захадзе: падаваць куццю з макавым малаком. Дзеля яго прыгатавання трэба ўзяць 400 г маку, заліць яго некалькі разоў кіпенем, а пасля перамалоць у ступе або сучасным кухонным камбайне, пакуль макавая маса не набудзе крыху белаваты колер ад соку. Пасля мак неабходна заліць кіпенем (1,5 л), дадаць мёд або цукар (0,5 шклянкі) і пакінуць у халодным месцы.
СБ
Вігілійную вячэру, за якой збяруцца сёння каталіцкія сем’і, часта называюць куццёй — у гонар асноўнай стравы, якая падаецца ў гэты дзень. Але куцця гатуецца не толькі на Божае Нараджэнне. Згодна з народнай традыцыяй, гэта абрадавая страва павінна прысутнічаць на стале таксама на Шчодры вечар і перад Вадохрышчам.
Акрамя таго, куццю гатуюць для жалобнага стала па нябожчыку, на Дзяды, Радаўніцу і іншыя памінальныя дні. Цікавую традыцыю апісваюць фалькларысты Янка Крук і Аксана Катовіч. Аказваецца, куццю на памінкі стараліся варыць у дакладны час без хвілін, напрыклад роўна ў 9, 10, 11 гадзін. Прычым першым яе каштаваў самы блізкі да памерлага чалавек.
Традыцыйна куццю варылі з ячных або пшанічных круп. Але сёння дазваляецца выкарыстоўваць і рыс. Гатуюць куццю з дабаўленнем мёду, разынак, арэхаў, цукатаў, маку. Ёсць звычай, які, дарэчы, ад беларусаў перанялі суседзі на поўначы і захадзе: падаваць куццю з макавым малаком. Дзеля яго прыгатавання трэба ўзяць 400 г маку, заліць яго некалькі разоў кіпенем, а пасля перамалоць у ступе або сучасным кухонным камбайне, пакуль макавая маса не набудзе крыху белаваты колер ад соку. Пасля мак неабходна заліць кіпенем (1,5 л), дадаць мёд або цукар (0,5 шклянкі) і пакінуць у халодным месцы.
СБ
