Віншаванне Навагрудскага райвыканкама і раённага Савета дэпутатаў з Днём абароны дзяцей

Віншаванне Навагрудскага райвыканкама і раённага Савета дэпутатаў з Днём абароны дзяцей
01 июня 2023

Дарагія юныя жыхары Навагрудскага раёна! Паважаныя бацькі!
Ад усёй душы віншуем вас з Днём абароны дзяцей!

Гэта не толькі адно з самых радасных свят дзетвары, але і напамін дарослым пра тое, што нашым дзецям патрэбныя пастаянны клопат і абарона. І адказ насць за гэта ляжыць на нас, дарослых, – ад баць коў да органаў улады. Бо дзеці – гэта не толькі наша будучыня, а і працяг нас саміх, унікальная магчымасць для дарослага чалавека стаць лепшым з дапамогай сваіх дзяцей.

Вельмі прыемна, што ў нашым раёне з юным пакаленнем працуюць выдатныя педагогі, выхавальнікі, майстры сваёй справы, якія дапамагаюць нашым дзецям раскрыць свае таленты ў вучобе, дабівацца сапраўдных перамог у творчасці і спорце.

Гэтае добрае, чуллівае свята супадае з пачаткам доўгачаканых канікул. Наперадзе ў хлопцаў і дзяўчат радасная і вясёлая пара.

Ад усёй душы жадаем дзецям і дарослым здароўя, дабра, удачы і дабрабыту. Няхай усюды раздаецца вясёлы дзіцячы смех, а ў сем'ях пануюць радасць і шчасце!
Раённы выканаўчы камітэт.
Раённы Савет дэпутатаў.