На мінулым тыдні пракурор Навагрудскага раёна Аляксандр Шляжко правёў «прамую лінію» з насельніцтвам. У адрас пракуратуры паступілі розныя пытанні, самыя актуальныя з іх мы прапануем увазе нашых чытачоў.
– Работніку арганізацыі ў 2012 г. было прадастаўлена жылое памяшканне ў інтэрнаце па дагаворы найму. Дачка работніка і яе непаўналетняе дзіця 27.01.2020 г. н. зарэгістраваны ў інтэрнаце як члены сям’і наймальніка. Работнік спыніў працоўныя адносіны з арганізацыяй 20.02.2020 г. і выбыў з інтэрната ў другое месца жыхарства і зняўся з рэгістрацыйнага ўліку. Ці могуць дачка былога работніка арганізацыі і яе непаўналетняе дзіця быць выселены з інтэрната без прадастаўлення другога жылога памяшкання?
– У выпадку выезду наймальніка жылога памяшкання дзяржаўнага жыллёвага фонду ў інтэрнаце па месца жыхарства ў іншы населены пункт ці іншае жылое памяшканне ў дадзеным населеным пункце члены, былыя члены яго сям’і (за выключэннем навучэнцаў і студэнтаў, якія з’яўляюцца дзецьмі-сіротамі і децьмі, якія засталіся без апекі бацькоў, а таксама асобы з ліку дзяцей-сірот і дзяцей, якія засталіся без апекі бацькоў) страчваюць права валодання і карыстання жылым памяшканнем дзяржаўнага жыллёвага фонду ў інтэрнаце. У выпадку адмовы ад дабравольнага вызвалення жылога памяшкання дзяржаўнага жыллёвага фонду ў інтэрнаце члены, былыя члены сям’і наймальніка належаць высяленню ў судовым парадку без прадастаўлення другога памяшкання. На патрабаванні аб высяленні такіх грамадзян тэрміны іскавай даўнасці не размяркоўваюцца (п. 8 арт. 116 ЖК). А ў дадзеным выпадку члены сям’і выбыўшага наймальніка належаць высяленню.
– Якая адказнасць прадугледжана за ўдзел у незаконных масавых мерапрыемствах?
– З 1 сакавіка 2021 г. уступіў у сілу новы Кодэкс аб адміністрацыйных правапарушэннях і працэсуальна-выканаўчы Кодэкс аб адміністрацыйных правапарушэннях, у якіх адбыліся істотныя змяненні.
Асобна трэба адзначыць, што, нягледзячы на тое, што адміністрацыйны арышт прадугледжаны на тэрмін да 15 сутак, у той жа час узмоцнена адказнасць за парушэнне парадку арганізацыі ці правядзення масавых мерапрыемстваў, якія здзейснены паўторна, акрамя накладання штрафу ад 20 базавых велічынь да 200, так і назначэння арышту да 30 сутак.
Хачу напомніць, што парушэнне ўстаноўленага парадку правядзення сходаў, мітынгаў, вулічнага шэсця, дэманстрацыі, пікетавання ці іншага масавага мерапрыемства, якія ўчынены ўдзельнікам такіх мерапрыемстваў, а роўна публічныя да ўказаных дзеянняў учыненыя ўдзельнікам такіх мерапрыемстваў ці іншай асобай, прадугледжана адказнасць па ч. 1 арт. 24.23 Кодэкса Рэспублікі Беларусь аб адміністрацыйных правапарушэннях у выглядзе штрафу да 100 базавых велічынь і арышту да 15 сутак. Аднак у выпадку ўчынення паўтоных дзеянняў штраф можа быць назначаны і ў межах 200 базавых велічынь і арышту – 30 сутак.
– Ці падлягаюць кампенсацыі дзяржаве выдаткі на адукацыю, калі малады спецыяліст быў звольнены ў сувязі з учыненым злачынствам?
– У выпадку звальнення маладога спецыяліста ў сувязі з учыненнем злачынства, які стаў прычынай звальнення, у рэспубліканскі ці мясцовы бюджэт падлягаюць вяртанню ўсе сродкі, якія былі затрачаны дзяржавай на падрыхтоўку маладога спецыяліста.
Хачу ўдакладніць, што выпускнікі, якім месца работы прадастаўлена шляхам размеркавання, не адпрацавалі ўстаноўлены тэрмін абавязковай работы, абавязаны вярнуць у рэспубліканскі ці мясцовы бюджэты сродкі, затрачаныя дзяржавай на іх падрыхтоўку (ч. 1 п. 1 арт. 88 Кодэкса аб адукацыі).
Звальненне маладых спецыялістаў, маладых рабочых (служачых) ці перавод іх на работу, якая не звязана з атрыманай спецыяльнасцю (накірункам спецыяльнасці, спецыялізацыяй) і прысвоенай кваліфікацыяй, да заканчэння ўказанага ў пасведчанні аб накіраванні на работу тэрміну абавязковай работы забараняецца, за выключэннем выпадкаў звальнення па ініцыятыве наймальніка па падставах, прадугледжаных у п. 1, 2, 4-9 арт. 42 і ў п. 2-7 арт. 47 Працоўнага кодэкса, а таксама па абставінах, якія не залежаць ад волі бакоў, якія прадугледжаны ў п. 1-3, 5-7 арт. 44 Працоўнага кодэкса (абз. 6 ч. 1 п. 33 Палажэння аб парадку размеркавання).
У той жа час п. 2-6 арт. Кодэкса аб адукацыі прадугледжаны выпадкі, калі маладыя спецыялісты вызваляюцца ад кампенсацыі выдаткаў, якія затрачаны дзяржавай на іх падрыхтоўку.
Падрыхтавала А. Ермакова, «НЖ»
