Паважаныя мужчыны-бацькі, дзядулі!
Віншуем вас з Днём бацькі!
Гэта маладое свята. Дата 21 кастрычніка была выбрана невыпадкова – цяпер з'явілася магчымасць з 14 па 21 кастрычніка праводзіць мерапрыемствы, прысвечаныя Тыдню бацькоўскай любві. А гэта спрыяе далейшаму захаванню традыцыйных сямейных каштоўнасцей.
Для кожнага з нас свята нагадвае пра сэнс сям'і, яе ролю ў жыцці чалавека і спрыяе фарміраванню адказнага бацькоўства.
Быць бацькам – гэта асаблівы абавязак. Імя мужчыны замацоўваецца ў імені па бацьку нашых дзяцей. Аўтарытэт любой сям'і цесна звязаны з добрым імем бацькі, глыбокай павагай да яго як да пачынальніка роду.
Абавязак бацькі заключаецца не толькі ў тым, каб ствараць матэрыяльныя даброты, але і быць прыкладам для сваіх дзяцей, апорай для ўсёй сям'і. У паўсядзённых клопатах важна памятаць, што дзеці глядзяць і вучацца на прыкладзе бацькоў. Яны маюць патрэбу ў добрай парадзе і падтрымцы. Бацька – гэта сябар, памочнік і настаўнік.
Жадаем усім моцнага здароўя і поспехаў ва ўсіх пачынаннях. Няхай вашы дамы будуць напоўнены любоўю, цяплом, дастаткам і ўтульнасцю!
Раённы выканаўчы камітэт.
Раённы Савет дэпутатаў.
