01 сентября 2026

Віншаванне Навагрудскага раённага выканаўчага камітэта і раённага Савета дэпутатаў з Днём ведаў

Паважаныя педагогі! Дарагія вучні, бацькі! Прыміце самыя добрыя і шчырыя віншаванні з Днём ведаў!

Гэта адно з самых урачыстых і хвалюючых святаў. Пачатак новага навучальнага года як сімвал абнаўлення ўсяляе надзею на важныя дасягненні і шырокія гарызонты.

1 верасня ў жыцці вучняў адкрыецца новая старонка, напоўненая незабыўнымі сустрэчамі і ўражаннямі, бязмежнымі магчымасцямі. Жадаем усім вучням добрых адзнак, натхняльных поспехаў і сяброўскіх зносін.

Словы шчырай удзячнасці выказваем педагогам. Вашы прафесіяналізм, адданасць справе і цярпенне дапамагаюць падрастаючаму пакаленню набываць глыбокія веды і развіваць таленты. Вы абуджаеце ў маладых людзях пачуццё патрыятызму і гонару за Айчыну.

Адказная роля ў гэтым працэсе належыць і бацькам, бо толькі сумеснымі намаганнямі можна выхаваць годных грамадзян Беларусі, якія будуць жыць і працаваць на карысць сваёй краіны. Жадаем усім яркіх будняў, увасаблення ў жыццё намечаных планаў, радасных імгненняў і моцнага здароўя! З пачаткам новага навучальнага года!

Раённы выканаўчы камітэт. Раённы Савет дэпутатаў.

«Новае жыццё» | Telegram | VK | OK | Facebook |
Instagram | YouTube | TikTok |