Паважаныя жыхары Навагрудчыны!
Прыміце віншаванні са святам – Днём Кастрычніцкай рэвалюцыі.
Гэтая гістарычная дата вяртае нас да ўрокаў мінулага, якія мы памятаем і паважаем, дазваляе па вартасці ацаніць многія дасягненні савецкай эпохі.
Бясплатныя і даступныя адукацыя і медыцынскае абслугоўванне, васьмігадзінны працоўны дзень, свабода сумлення і роўнасць грамадзянскіх правоў мужчын і жанчын – гэтыя і іншыя выгоды, якія сталі неад'емнымі ў нашым жыцці, бяруць пачатак з кастрычніка 1917 года.
Для нашай рэспублікі падзеі той пары адкрылі шлях да нацыянальнага самавызначэння і ўласнай дзяржаўнасці. Наш народ збярог і ўзбагаціў нацыянальную культуру, стварыў эканамічны і інтэлектуальны патэнцыял краіны.
Сёння Беларусь – незалежная дзяржава, у якой паспяхова ажыццяўляецца мноства пераўтварэнняў, накіраваных на прымнажэнне эканамічнага патэнцыялу рэспублікі, павышэнне дабрабыту беларускага народа і ўмацаванне пазіцый краіны на міжнароднай арэне.
Жадаем вам, дарагія землякі, здароўя і дабрабыту, спакою і міру, аптымізму і поспехаў ва ўсіх справах на карысць краіны і роднага краю.
Раённы выканаўчы камітэт.
Раённы Савет дэпутатаў.