Дасылаем шчырыя віншаванні работнікам і ветэранам архіўнай службы Навагрудчыны з нагоды прафесійнага свята!

З'яўляючыся часткай беларускай і сусветнай архіўнай супольнасці, вы ўносіце дастойны ўклад у памнажэнне дакументальнай спадчыны нашага краю. Сёння вам давераны ключы ад нашай гісторыі. Дзякуючы вашай працы, сабраны і захоўваюцца дакументальныя гістарычныя матэрыялы і інфармацыя пра тых, хто дзень за днём ствараў гэтую гісторыю.

Але сённяшні архіў з'яўляецца не проста месцам для захоўвання першакрыніц – гэта, перш за ўсё, людзі, якія сумленна і прафесійна робяць сваю справу, паспяхова асвойваюць новыя інфармацыйныя тэхналогіі.

Дарагія сябры! Прыміце словы глыбокай удзячнасці за вашу важную і сацыяльна значную працу. Няхай яна прыносіць вам толькі радасць і задавальненне, узбагачае ведамі і жыццёвай мудрасцю. Моцнага здароўя і дабрабыту вам і вашым сем'ям!

Раённы выканаўчы камітэт

Раённы Савет дэпутатаў.