09 октября 2026

Прызнанне на найвышэйшым узроўні. Падзякай Кіраўніка Адміністрацыі Прэзідэнта адзначана Святлана Чубрык

Напярэдадні прафесійнага свята за важкі асабісты ўклад у рэалізацыю дзяржаўнай палітыкі ў сферы культуры, шматгадовую плённую працу і найвышэйшы прафесіяналізм загадчыку аддзела абслугоўвання і інфармацыі Навагрудскай раённай бібліятэкі Святлане Чубрык аб'яўлена Падзяка Кіраўніка Адміністрацыі Прэзідэнта Рэспублікі Беларусь.

Урачыстая цырымонія ўзнагароджання, прымеркаваная да Дня работнікаў культуры, прайшла ў Беларускай дзяржаўнай акадэміі музыкі. Заслужаную ўзнагароду Святлане Канстанцінаўне асабіста ўручыў Першы намеснік Кіраўніка Адміністрацыі Прэзідэнта Рэспублікі Беларусь Уладзімір Пярцоў.

Святлана Чубрык – чалавек бязмежна захоплены сваёй справай. Менавіта дзякуючы яе ініцыятыве і творчаму запалу ў Навагрудку з'явіліся такія папулярныя праекты, як «Рэтра-фотаатэлье» і інтэрактыўнае «Рэтра-падарожжа з навагрудскай гараджанкай», якое стала сапраўдным турыстычным брэндам нашага старажытнага горада.

Бліжэй пазнаёміцца са Святланай Чубрык, даведацца пра сакрэты стварэння вобраза «навагрудскай гараджанкі», унікальныя інтэрактыўныя гульні бібліятэкі і яе асабістыя захапленні вы зможаце ўжо зусім хутка. Святочнае інтэрв'ю з гераіняй чытайце ў суботнім выпуску газеты «Новае жыццё».