На працягу дня працуе выстаўка вучэбнай літаратуры на беларускай мове «Сэрцам роднага слова краніся». У гэты дзень у нашай установе адукацыі праходзяць мерапрыемствы, прысвечаныя Дню роднай мовы: віктарыны, конкурсы, адгадванне загадак, чытанне вершаў пра беларускую мову і на беларускай мове.
Мова – частка нашай культуры, гістарычнай спадчыны. Дзякуючы ёй, працягваюць жыць традыцыі. Мова абуджае цікавасць да пазнання свету, садзейнічае праяўленню павагі да нашага мінулага і служыць элементам аб’яднання людзей незалежна ад месца і часу іх пражывання. Сёння існуе ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. Для нас, беларусаў, роднай мовай з’яўляецца беларуская мова.
Выхаванне любові і павагі да роднай мовы, да літаратурнага слова, нацыянальнай самасвядомасці адбывалася праз знаёмства дзяцей з народнымі традыцыямі i абрадамі, культурай, спадчынай беларускага народа.
Ірына Каратай, намеснік дырэктара па выхаваўчай рабоце гімназіі №1 г. Навагрудка
«Новае жыццё» | Telegram | VK | OK | Facebook |
Instagram | YouTube | TikTok |
