Паважаныя сябры!

Прыміце шчырыя віншаванні з прафесійным святам – Днём радыё, тэлебачання і сувязі!

Гэтае свята аб'ядноўвае людзей самых розных прафесій – журналістаў, рэдактараў, выдаўцоў, сувязістаў, паліграфістаў, распаўсюджвальнікаў друкаванай прадукцыі – усіх тых, хто сваёй стваральнай працай забяспечвае адзіную інфармацыйную прастору.

Ваша прафесійная дзейнасць дазваляе быць у курсе падзей, якія адбываюцца ў свеце, нашай краіне, раёне, фарміруе грамадскую думку, мабілізуе і кансалідуе грамадства.

Жадаем вам натхнення, яркіх творчых работ, невычэрпнай энергіі, паспяховай рэалізацыі новых праектаў. Упэўнены, што ўсё задуманае ўвасобіцца ў жыццё і прынясе новыя прыкметныя вынікі.

Моцнага ўсім здароўя, шчасця і дабрабыту!

Раённы выканаўчы камітэт.

Раённы Савет дэпутатаў.