У Дзень памяці воінаў-інтэрнацыяналістаў мы аддаём даніну павагі салдатам і афіцэрам, якія ўдзельнічалі ў баявых дзеяннях у Афганістане і іншых «гарачых» кропках свету. Мы падзяляем боль страты з тымі, хто страціў сваіх родных і блізкіх. Мы ўдзячныя мамам, якія выхавалі сапраўдных герояў, і нізка схіляем галовы перад тымі, хто назаўсёды застанецца ў нашай памяці маладым.
Ужо больш за тры дзясяткі гадоў ні адзін беларускі салдат не ваюе за межамі сваёй краіны. Але сітуацыя ў свеце застаецца напружанай, і грамадзяне Беларусі заўсёды павінны быць гатовыя да абароны роднай зямлі.
Дзякуй вам, паважаныя воіны-інтэрнацыяналісты, за патрыятычнае выхаванне моладзі, за ваш уклад у падтрыманне стабільнасці ў грамадстве.
Жадаем вам моцнага здароўя, бадзёрасці духу, поспехаў і дабрабыту! Няхай усё наша жыццё праходзіць толькі пад мірным небам, а жахі вайны больш ніколі не паўторацца.
Навагрудскі раённы выканаўчы камітэт
Раённы Савет дэпутатаў
