Родная мова… Якая яна прыгожая, мілагучная, модная! Колькі любові, шчырасці, адкрытасці ў родных словах...
21 лютага адзначаецца Міжнародны дзень роднай мовы. Гэты дзень асаблівы для ўсяго беларускага народа, бо народа без мовы не існуе, няма мовы без яго носьбіта.
Кожны год вучні, настаўнікі, бацькі чакаюць гэтага незабыўнага свята. І вось яно прыйшло!
Раніцай у фае сярэдняй школы №7 г. Навагрудка вучняў і педагогаў сустракалі дзяўчаты ў нацыянальных касцюмах, якія не толькі віншавалі са святам, але і дарылі паштоўкі, салодкія пачастункі.
Пачаўся дзень роднай мовы з квэст-гульні «Мова мая загадкавая» для вучняў 6-х, 8-х класаў.
Цікавыя і змястоўныя заданні садзейнічалі не толькі фарміраванню ў дзяцей павагі і любові да роднай мовы, але і ўзбагацілі іх новымі ведамі, далучылі да духоўнай спадчыны нашага народа.
Гульня прайшла весела, цікава, пазнавальна. Навучэнцы школы прадэманстравалі сваю кемлівасць, эрудыцыю. А калі на выхадзе яшчэ і вынеслі пару арыгінальных беларускіх слоў, данеслі іх дадому, расказалі бацькам, то, напэўна, запомнілі, што мы – беларусы. Што мы – самабытны, таленавіты народ.
У межах Міжнароднага дня роднай мовы настаўнікі і вучні 3-х класаў удзельнічалі ў квэст-гульні «Збяры Беларусь у сваім сэрцы», а вучні 4-класаў былі заняты ў конкурснай праграме «Залацінкі народнай мудрасці». Падчас мерапрыемстваў вучні далучыліся да вытокаў беларускай народнай культуры праз вусную народную творчасць, дазналіся шмат новага пра гісторыю і культуру нашага народа, пра яго духоўную і гістарычную спадчыну. Усім сёння было цікава і пазнавальна. Будзе пра што расказаць сваякам і сябрам.
Для вучняў 7 класаў прайшоў інтэлектуальны турнір «Таямніцы роднай мовы». Падчас мерапрыемства ўдзельнікі разгадвалі крыжаванку, да рускіх слоў падбіралі беларускія адпаведнікі, тлумачылі беларускія прыказкі і фразеалагізмы. Мерапрыемства садзейнічала ўзбагачэнню слоўнікавага запасу вучняў, далучыла іх да таямніц роднай мовы.
Для вучняў 9 класаў была праведзена віктарына «Моўныя самацветы». Удзельнікі мерапрыемства атрымалі магчымасць не толькі актуалізаваць веды пра фразеалогію як раздзел мовазнаўства, але і выканаць інтэрактыўныя заданні на вызначэнне фразеалагізмаў, суаднесенасць фразеалагізмаў і іх значэнняў, сінінімію дадзеных лексічных адзінак, а таксама творчае заданне па рабоце з тэкстамі.
Заданні прапаноўваліся на розныя ўзроўні складанасці. Усе ўдзельнікі справіліся «на выдатна»!
У Міжнародны дзень роднай мовы вучні 11 «А» класа падрыхтавалі тэатральную пастаноўку п'есы класіка беларускай літаратуры Міхася Чарота «Мікітаў лапаць». Гледачы — настаўнікі і вучні школы — ацанілі артыстычныя здольнасці юных акцёраў дружнымі воплескамі і кампліментамі, якімі шчодра асыпалі выканаўцаў.
Алена Хацітоўская,
настаўнік беларускай мовы і літаратуры СШ № 7 г.Навагрудка
21 лютага адзначаецца Міжнародны дзень роднай мовы. Гэты дзень асаблівы для ўсяго беларускага народа, бо народа без мовы не існуе, няма мовы без яго носьбіта.
Кожны год вучні, настаўнікі, бацькі чакаюць гэтага незабыўнага свята. І вось яно прыйшло!
Раніцай у фае сярэдняй школы №7 г. Навагрудка вучняў і педагогаў сустракалі дзяўчаты ў нацыянальных касцюмах, якія не толькі віншавалі са святам, але і дарылі паштоўкі, салодкія пачастункі.
Пачаўся дзень роднай мовы з квэст-гульні «Мова мая загадкавая» для вучняў 6-х, 8-х класаў.
Цікавыя і змястоўныя заданні садзейнічалі не толькі фарміраванню ў дзяцей павагі і любові да роднай мовы, але і ўзбагацілі іх новымі ведамі, далучылі да духоўнай спадчыны нашага народа.
Гульня прайшла весела, цікава, пазнавальна. Навучэнцы школы прадэманстравалі сваю кемлівасць, эрудыцыю. А калі на выхадзе яшчэ і вынеслі пару арыгінальных беларускіх слоў, данеслі іх дадому, расказалі бацькам, то, напэўна, запомнілі, што мы – беларусы. Што мы – самабытны, таленавіты народ.
У межах Міжнароднага дня роднай мовы настаўнікі і вучні 3-х класаў удзельнічалі ў квэст-гульні «Збяры Беларусь у сваім сэрцы», а вучні 4-класаў былі заняты ў конкурснай праграме «Залацінкі народнай мудрасці». Падчас мерапрыемстваў вучні далучыліся да вытокаў беларускай народнай культуры праз вусную народную творчасць, дазналіся шмат новага пра гісторыю і культуру нашага народа, пра яго духоўную і гістарычную спадчыну. Усім сёння было цікава і пазнавальна. Будзе пра што расказаць сваякам і сябрам.
Для вучняў 7 класаў прайшоў інтэлектуальны турнір «Таямніцы роднай мовы». Падчас мерапрыемства ўдзельнікі разгадвалі крыжаванку, да рускіх слоў падбіралі беларускія адпаведнікі, тлумачылі беларускія прыказкі і фразеалагізмы. Мерапрыемства садзейнічала ўзбагачэнню слоўнікавага запасу вучняў, далучыла іх да таямніц роднай мовы.
Для вучняў 9 класаў была праведзена віктарына «Моўныя самацветы». Удзельнікі мерапрыемства атрымалі магчымасць не толькі актуалізаваць веды пра фразеалогію як раздзел мовазнаўства, але і выканаць інтэрактыўныя заданні на вызначэнне фразеалагізмаў, суаднесенасць фразеалагізмаў і іх значэнняў, сінінімію дадзеных лексічных адзінак, а таксама творчае заданне па рабоце з тэкстамі.
Заданні прапаноўваліся на розныя ўзроўні складанасці. Усе ўдзельнікі справіліся «на выдатна»!
У Міжнародны дзень роднай мовы вучні 11 «А» класа падрыхтавалі тэатральную пастаноўку п'есы класіка беларускай літаратуры Міхася Чарота «Мікітаў лапаць». Гледачы — настаўнікі і вучні школы — ацанілі артыстычныя здольнасці юных акцёраў дружнымі воплескамі і кампліментамі, якімі шчодра асыпалі выканаўцаў.
Алена Хацітоўская,
настаўнік беларускай мовы і літаратуры СШ № 7 г.Навагрудка
