З 15 па 22 лютага ў Навагрудскім раёне праходзіць тыдзень роднай мовы, прымеркаваны да Міжнароднага дня роднай мовы, што адзначаецца ва ўсім свеце 21 лютага па ініцыятыве ЮНЕСКА.
Як паведаміла дырэктар Навагрудскага вучэбна-метадычнага кабінета Людміла Стасевіч, ва ўстановах адукацыі раёна ў межах тыдня праходзяць самыя разнастайныя мерапрыемствы. Гэта, да прыкладу, інтэрактыў «Смак роднай мовы», буккросінг з беларускай кніжкай «Дакраніся да роднага слова», квэст-гульня «Збяры Беларусь у сваім сэрцы», паэтычны чэлендж «Мова», турнір «Знаўцы беларускай мовы», інфармацыйныя хвілінкі «Дзень роднай мовы» і іншыя.
Сучаснай пляцоўкай для развіцця таленту дэкламацыі сярод моладзі стане паэтычны чэлендж «Мова», прыняць удзел у якім прапануецца дэпутатам маладзёжнага парламента , актывістам грамадскіх арганізацый і астатнім маладым людзям. Удзельнікам чэленджа неабходна запісать відэадэкламацыю вершаў народных паэтаў Беларусі і перадаць эстафету сябрам. Апублікаваць відэаролік можна ў дадатку TikTok, сацыяльных сетках Аднакласнікі, ВКонтакте і Інстаграм з хэштэгам #Мова краіны маёй#Моладзевы парламент.
Акрамя таго, у раённе праходзіць конкурс буктрэйлераў «Чытаем беларускіх класікаў», прысвечаны 100-годдзю з дня нараджэння Івана Шамякіна, Івана Мележа, 125-годдзю з дня нараджэння Кандрата Крапівы. Таму на гэтым тыдні ва ўсіх установах адукацыі раёна пройдуць конкурсы чытальнікаў твораў названых аўтараў.
Запланаваныя мерапрыемствы накіраваны на папулярызацыю паэтычнай беларускай спадчыны, культуры і гісторыі беларускага народа, стымуляванне праектна-даследчай дзейнасці вучняў. Дзеці і моладзь павінны любіць родную мову, ганарыцца ёю.
Аб самых цікавых мерапрыемствах мы раскажам на нашым сайце. Сачыце за навінамі.
Вучні і настаўнікі сярэдняй школы №3 гучна адзначаюць гэтае свята, не забываюцца пра тое, што наша мова прыгожая, мілагутная, мяккая і ў той жа час яскравая, звонкая, моцная.
На кожны выпадак знойдзецца ў ёй і патрэбнае слова, і трапны фразеалагізм. На гэтай мове размаўлялі нашы дзяды і прадзеды, за яе змагаліся нашыя продкі. Толькі гэту мову мы можам назваць роднай, бо гэта мова нашай зямлі, нашых рэк, азёраў і лясоў. Але зараз беларуская мова забываецца, усё радзей чуем яе на вуліцах.
Кажуць, мова мая аджывае
Век свой ціхі: ёй знікнуць пара.
Для мяне ж яна вечна жывая,
Як раса, як сляза, як зара.
Каб прывіць вучням цікавасць і любоў да роднай мовы, у нашай школе праходзіць тэматычны тыдзень. У гэтым годзе вучні прынялі актыўны ўдзел у акцыі «Рускай мове дай разгрузку, гавары са мной па-беларуску». Моладзь яшчэ раз зразумела, што без мовы не будзе беларускага народа. Хацелася б, каб беларуская мова гучала заўсёды з нашых вуснаў, каб яна заставалася такой мілагучнай, каб яе пачулі нашы нашчадкі.
Пяцікласнікаў зацікавіў турнір «Знаўца беларускай мовы». Былі прапанаваны пытанні на розныя тэмы, звязаныя з вывучэннем беларускай мовы і літаратуры, этнаграфіі, культуры, навукі і прыроды Беларусі. Для вучняў старэйшых класаў быў арганізаваны паэтычны чэлендж «Мова» з удзелам членаў маладзёжнага парламенту.
У кожнага чалавека родная мова абслугоўвае розныя сферы яго дзейнасці. Якім можа быць слова ў вуснах чалавека, гэта мы высветлілі ў час гульні-віктарыны «Век жыві, мая родная мова». Гульня праводзілася паміж вучнямі 7-8 класаў. Каманды: «Песняры» і , «Васількі»’ спаборнічалі ў конкурсах: «Свет роднага слова», «Ці ведаеш ты?», «Лексічная хвілінка». Асаблівую ўвагу ў ходзе мерапрыемства ўдзялілі абароне праектаў. Госці прыслухоўваліся да нашай пявучай мовы, а мы адчувалі ў душы вялікі гонар за сваю Радзіму, Бацькаўшчыну.
Хочацца, каб часцей гучала наша «калі ласка», бо слова роднае, як і думку, нішто не можа стрымаць і абмежаваць. З гэтай мэтай для вучняў старэйшых класаў працаваў адкрыты мікрафон «Чаму беларусы не размаўляюць па-беларуску? », «Як выратаваць родную мову?»
У школьняй бібліятэцы вучні пад кіраўніцтвам настаўнікаў арганізавалі завочнае падарожжа па творчасці пісьменнікаў-юбіляраў (К.Крапівы, І.Шамякіна, І.Мележа). А вось конкурс малюнкаў па творах беларускіх пісьменнікаў, які падрыхтавалі вучні 6 класаў, здзівіў усіх і выклікаў захапленне. Буслы, бясконцыя палі, блакітнае неба з вясёлкай, магутныя зубры, празрыстыя азёры паўставалі з малюнкаў як жывыя сведкі.
Усе мерапрыемствы, прысвечаны Дню роднай мовы, былі прасякнуты клопатам аб тым, каб выхаваць у вучняў беражлівыя адносіны да мастацкага слова, да роднай мовы, гісторыі і культуры беларускага народа. Галоўнае, што вучні ўсвядомілі: наша беларуская мова жывая і сапраўдная, і калі будзе жыць мова - будзе жыць Беларусь. І таму кожны, хто тут нарадзіўся і жыве на сваёй маленькай радзіме, павінен не толькі дасканала моваю валодаюць, але і шанаваць яе, і захоўваць сваю мову для нашчадкаў.
Зоя Белуш,
настаўніца беларускай мовы і літаратуры СШ №3 г.Навагрудка
/БУДЕТ ДОПОЛНЕНО/