Падымаў руку на жонку

Навагрудчанін З. будзе адказваць згодна з ч.1 арт. 154 Крымінальнага кодэкса. Мужчына з 27 лютага да 7 снежня 2020 года ў сваёй кватэры сістэматычна збіваў пражываючую разам жонку грамадзянку З.

Артыкулам 154 за наўмыснае прычыненне працяглага болю або пакут спосабамі, якія выклікаюць асаблівыя фізічныя і псіхічныя пакуты пацярпелага, альбо сістэматычнае нанясенне пабояў, прадугледжана пакаранне ў выглядзе абмежавання волі на тэрмін да 3 гадоў або пазбаўленнем волі на той жа тэрмін са штрафам.

Крадзеж з пабудовы

Раней судзімыя жыхар Баранавіч грамадзянін К. і жыхар в. Вялікія Карнышы грамадзянін П. з 16 студзеня па 23 лютага (дакладны час і дата не ўстаноўлены) шляхам зрыву дзвярэй з гаспадарчай пабудовы ў двары дома ў в. Хадасы ў гараджанкі Л. учынілі крадзеж металічнай каляскі, бензатрымера, 2 створак металічных варот. Прычынена шкода на суму 420 руб.

Згодна з арт. 205 КК таемнае выкраданне маёмасці, учыненае паўторна альбо групай асоб ці з пранікненнем у жыллё, караецца штрафам, або папраўчымі работамі на тэрмін да 2 гадоў, або арыштам ці абмежаваннем волі на тэрмін да 4 гадоў.

Давярай, але правярай

Міліцыя шукае злачынцу, які ў перыяд з 24 студзеня па 20 лютага (дакладны час і дата не ўстаноўлены) з кватэры грамадзянкі С. па вул. Міцкевіча ўчыніў крадзеж 16000 долараў ЗША і 12000 еўра.

Інтэрнэтмахляры

Супрацоўнікі Навагрудскага РАУС працягваюць праводзіць комплекс аператыўна-вышуковых мерапрыемстваў, накіраваных на ўстанаўленне асобы, якая 17 лютага ў 18.57 у сетцы Інтэрнэт з карткі «МТБАНК» навагрудчанкі Ш. выкрала 66 руб.

У адпаведнасці з арт 212, крадзеж маёмасці шляхам змены інфармацыі, апрацаванай у камп’ютарнай сістэме, якая захоўваецца на электронных носьбітах альбо шляхам увядзення ў камп’ютарную сістэму лжывай інфармацыі, караецца штрафам або пазбаўленнем права займаць пэўныя пасады або займацца пэўнай дзейнасцю, арыштам ці абмежаваннем волі на тэрмін да 3 гадоў. Тое ж дзеянне, учыненае паўторна ці групай асоб па папярэдняй змове альбо спалучанае з несанкцыянаваным доступам да камп’ютарнай інфармацыі, караецца штрафам або папраўчымі работамі на тэрмін да 2 гадоў, арыштам ці абмежаваннем волі на тэрмін ад 2 да 5 гадоў. Калі ў асоба буйным памеры – прадугледжана да 2 гадоў пазбаўлення волі са штрафам.

Я. БУСЛОВІЧ,

намеснік начальніка РАУС.