Сардэчна віншуем усіх хрысціян Навагрудчыны, якія ў гэтым годзе святкуюць Уваскрэсенне Хрыстова 17 красавіка.
Гэтае светлае свята – галоўны сімвал адраджэння і ўсёдаравальнай любові. Кожны з нас знаходзіць у гэтым свяце асаблівы сэнс, сувымяраючы свае думкі і ўчынкі з высокімі хрысціянскімі каштоўнасцямі.
Дарагія сябры!
Няхай урачыстасць Уваскрэсення стане для вас невычэрпнай крыніцай надзеі і дапамогі ў дасягненні самых запаветных жаданняў і памкненняў, натхніць і надасць сіл у стваральнай працы дзеля будучыні кожнай сям’і і роднай Беларусі.
Шчыра жадаем вам здароўя, поспехаў у справах і пачынаннях, шчасця і дабрабыту.
Раённы выканаўчы камітэт
Раённы Савет дэпутатаў