Для многіх пакаленняў класік беларускай і сусветнай літаратуры стаў прыкладам бескарыслівага служэння Айчыне.

Памяць пра паэта захоўваюць і выхаванцы Навагрудскай спецшколы-інтэрната.

«Без мінулага няма будучыні, ‒ упэўнены школьнікі. ‒ Памятаць аб мінулым ‒ значыць яшчэ і аддаваць даніну павагі тым вялікім людзям, якія ўнеслі значны ўклад у развіццё нашай любімай краіны. Яркімі постацямі і галоўнымі сімваламі беларускай літаратуры па праве лічацца Янка Купала і Якуб Колас.»

Песняры беларускага народа сваімі творамі яскрава раскрылі характар, менталітэт, нацыянальную самасвядомасць, духоўныя каштоўнасці і пачуцці беларусаў. Словы Я.Купалы і Я.Коласа жывуць ў нашай мове, у нашай паэзіі, у нашых сэрцах.

Да такой высновы прыйшлі выхаванцы спецшколы-інтэрната падчас мерапрыемства «Маіх радкоў няма без Беларусі».

Дзеці ўзгадалі жыццёвы і творчы шлях Якуба Коласа і Янкі Купалы, чыталі вершы паэтаў, урыўкі з паэм «Новая зямля», «Сымон-музыка», «Яна і я»... Гучалі вершы, пакладзеныя на музыку беларускіх кампазітараў.

«Любіце і беражыце нашу Беларусь, нашу родную мову, культуру і гісторыю», ‒ звярнуліся хлопчыкі і дзяўчынкі да суайчыннікаў.

Дар'я Навасад,
педагог-арганізатар Навагрудскай спецшколы-інтэрната