Вам ужо споўнілася 17, але яшчэ няма 25 гадоў? Вы марыце аб высакароднай і мужнай прафесіі? У такім выпадку ўстановы адукацыі Міністэрства па надзвычайных сітуацыях – гэта для вас. Запрашаем стаць студэнтам ДУА «Універсітэт грамадзянскай абароны МНС».

Тэрмін навучання – 4 гады. Навучанне праводзіцца на бюджэтнай і платнай асновах. Тэрмін падачы заяў – да 1 красавіка. Пры залічэнні на вучобу курсанты атрымліваюць поўнае дзяржаўнае забеспячэнне (харчаванне, форменнае абмундзіраванне, бясплатнае пражыванне, стыпендыю, медыцынскае абслугоўванне). Пасля заканчэння ўніверсітэта выпускнікам выдаецца дыплом з прысваеннем кваліфікацыі «Інжынер па папярэджанні і ліквідацыі надзвычайных сітуацый», прысвойваецца спецыяльнае званне «лейтэнант унутранай службы», гарантуецца 100% працаўладкаванне. Дадаткова ва ўстанове вы можаце знайсці сабе занятак па інтарэсах: удзел у навуковай рабоце, заняткі ў спартыўных секцыях. Да таго ж курсанты праходзяць бясплатнае навучанне на права кіравання легкавым аўтамабілем і атрымлі­ваюць вадзіцельскае пасведчанне.

Акрамя таго, на базе ўніверсітэта створаны Спецыялізаваны ліцэй (аналаг Сувораўскага ваеннага вучылішча), які забяспечвае атрыманне выхаванцамі агульнай сярэдняй адукацыі з вывучэннем на павышаным узроўні асобных агульнаадукацыйных прадметаў і профільнай падрыхтоўкай да паступлення ва ўстанову адукацыі МНС Рэспублікі Беларусь.

У Спецыялізаваны ліцэй прымаюцца грама­дзяне Рэспублікі Беларусь мужчынскага полу пасля заканчэння 6-га класа ўстаноў, якія забяспечваюць атрыманне агульнай сярэдняй адукацыі

Для таго, каб стаць абітурыентам, неабходна на працягу студзеня-­сакавіка звярнуцца ў Навагрудскі раённы аддзел па над­звычайных сітуацыях па адрасе: г. Навагрудак, вул. Мінская 89, тэл. 2-29-93, 8-029-6377674.

Віктар Маляўскі,

намеснік начальніка Навагрудскага РАНС па ідэалагічнай рабоце і кадравым забеспячэнні