Дапамога на пахаванне за кошт сродкаў бюджэту дзяржаўнага пазабюджэтнага фонду сацыяльнай абароны насельніцтва Рэспублікі Беларусь (далей – бюджэт фонду) выплачваецца ў выпадку смерці:
– застрахаванай асобы, на якую на дату смерці распаўсюджвалася дзяржаўнае сацыяльнае страхаванне і за яго альбо ім самім выплачваліся абавязковыя страхавыя ўзносы ў бюджэт фонду (далей – узносы) у парадку, устаноўленым заканадаўствам (далей – застрахаваны);
– незастрахаванай на дату смерці асобы, на якую на працягу не менш за 10 гадоў распаўсюджвалася дзяржаўнае сацыяльнае страхаванне і выплачваліся ўзносы (далей – незастрахаваны);
– пенсіянера, які атрымліваў пенсію са сродкаў бюджэту фонду, у тым ліку прафесійнага пенсіённагастрахавання (далей – пенсіянер);
– беспрацоўнага, зарэгістраванага ва ўстаноўленым парадку (далей – беспрацоўны);
– дзяцей вышэйпералічаных асоб, якія не дасягнулі 18-гадовага ўзросту, навучэнцаў – 23-гадовага ўзросту (далей – дзеці).
Месца прызначэння дапамогі на пахаванне:
– у выпадку смерці пенсіянера (у тым ліку працаваў на дзень смерці), застрахаванай асобы, якая выплачвае ўзносы самастойна ў парадку, устаноўленым заканадаўствам, а таксама незастрахаванай або дзяцей названых асоб – органы па працы, занятасці і сацыяльнай абароне па месцы атрымання пенсіі або па месцы жыхарства (месцы знаходжання) застрахаванай, незастрахаванага;
– у выпадку смерці застрахаванай (акрамя застрахаванай асобы, якая выплачвае ўзносы самастойна, або з'яўляецца пенсіянерам) – плацельшчык узносаў па апошнім месцы працы памерлага;
– у выпадку смерці дзяцей застрахаванай – плацельшчык узносаў па месцы працы аднаго з бацькоў. Дапамога на пахаванне выплачваецца ў памеры сярэдняй заработнай платы работнікаў у рэспубліцы за пазамінулы месяц адносна месяца наступлення смерці.
Дапамога на пахаванне прызначаецца, калі зварот за ім паступіў не пазней шасці месяцаў з дня смерці, а ў выпадку доўгага вышуку памерлага – не пазней шасці месяцаў з дня пахавання.
М. Каляда, начальнік Навагрудскага раённага аддзела Гродзенскага абласнога ўпраўлення Фонду сацыяльнай абароны насельніцтва