Паважаныя ветэраны Вялікай Айчыннай вайны і Узброеных Сіл, вайскоўцы і грамадзянскі персанал Навагрудчыны, воіны-інтэрнацыяналісты!
Віншуем вас з Днём абаронцаў Айчыны і Узброеных Сіл Рэспублікі Беларусь.
Дзень 23 лютага – гэта свята мужнасці і сілы, свята моцных духам мужчын, сапраўдных патрыётаў сваёй краіны. Гэты дзень увасабляе ў сабе непарыўную сувязь пакаленняў і самаадданае служэнне роднай зямлі.
Дзень абаронцаў Айчыны мае багатую і слаўную гісторыю. У гэты дзень мы аддаём даніну памяці загінулым на палях бітваў у імя нашай Радзімы, ушаноўваем усіх, хто сёння мужна выконвае свой абавязак грамадзяніна – берагчы Айчыну, гатовы ў любую хвіліну ўстаць на абарону сям’і, дома і сваёй краіны.
Кожны з нас павінен памятаць, што самае каштоўнае ў нашым жыцці – гэта мір, спакой і стабільнасць.
Паважаныя сябры!
Жадаем вам моцнага здароўя, бадзёрасці духу, аптымізму, прафесійных поспехаў і мірнай службы.
Раённы выканаўчы камітэт.
Раённы Савет дэпутатаў.
