29 верасня ў нядзелю ў касцёле Святога Міхала Арханёла ў Навагрудку з нагоды святкавання патранальнай урачыстасці парафіі прайшоў творчы вечар з удзелам навагрудскага інструментальнага калектыву і ксяндза Тадэвуша Крыштопіка.
Пачаўся вечар з выступлення навагрудскага інструментальнага музычнага калектыву. Прагучалі усім вядомыя класічныя творы, якія выконваліся на акустычных і бас гітарах, саксафоне, фартэпіяна і перкусіі.
Пасля адбылася прэзентацыя кнігі ксяндза Тадэвуша Крыштопіка, якая была выдадзена на рускай і польскай мовах у тэкставым і аўдыёфармаце. Пасля святар разам з гітарыстам выканаў свае новыя духоўныя песні.
Пасля сустрэчы кожны атрымаў у падарунак дыск з апошнімі песнямі ксяндза Тадэвуша на розных мовах.
Ксёндз Юрый Жэгарын,
настаяцель парафіі Святога Міхала Арханёла
