Пытанні ўстанаўлення пенсій за асаблівыя заслугі перад Рэспублікай Беларусь рэгулююцца Палажэннем аб пенсіях за асаблівыя заслугі перад Рэспублікай Беларусь, зацверджаным Пастановай Савета Міністраў Рэспублікі Беларусь ад 30 сакавіка 1993 г. № 185.

Права на пенсію за асаблівыя заслугі маюць грамадзяне, якія пражываюць на тэрыторыі Рэспублікі Беларусь, якія атрымліваюць пенсію па ўзросце, па інваліднасці, за выслугу гадоў у адпаведнасці з Законам Рэспублікі Беларусь «Аб пенсіённым забеспячэнні» або пенсію за выслугу гадоў у адпаведнасці з Законам Рэспублікі Беларусь «Аб дзяржаўнай службе ў Рэспубліцы Беларусь» і маюць асаблівыя заслугі перад Рэспублікай Беларусь:

– якія атрымліваюць пенсію па ўзросце або за выслугу гадоў,

– па дасягненні агульнаўстаноўленага пенсіённага ўзросту.

Пенсія за асаблівыя заслугі ўстанаўліваецца:

– Героям Беларусі, Героям Савецкага Саюза, Героям Сацыялістычнай Працы;

– грамадзянам, узнагароджаным ордэнамі Айчыны трох ступеняў, ордэнамі «За службу Радзіме» трох ступеняў, ордэнамі Славы трох ступеняў, ордэнамі Працоўнай Славы трох ступеняў, ордэнамі «За службу Радзіме ва Узброеных Сілах СССР» трох ступеняў;

– грамадзянам, узнагароджаным трыма і больш ордэнамі Рэспублікі Беларусь і (або) СССР;

– жанчынам, якія нарадзілі і выхавалі дзевяць і больш дзяцей і ўзнагароджаны адной з наступных дзяржаўных узнагарод СССР ці Рэспублікі Беларусь: ордэнам Маці, медалём «Медаль мацярынства», ордэнам «Мацярынская слава», ордэнам «Маці-гераіня»;

– грамадзянам, удастоеным ганаровых званняў Рэспублікі Беларусь, БССР ці СССР (народны, заслужаны);

– лаўрэатам Дзяржаўных прэмій Рэспублікі Беларусь, БССР, Ленінскай і Дзяржаўнай прэмій СССР;

– пераможцам і прызёрам Алімпійскіх, Паралімпійскіх, Дэфлімпійскіх гульняў, чэмпіёнам свету і Еўропы  і інш.

Пенсія за асаблівыя заслугі не ўстанаўліваецца грамадзянам, якія маюць судзімасць.

Пенсія за асаблівыя заслугі перад Рэспублікай Беларусь устанаўліваецца Камісіяй на падставе хадайніцтваў, якія узбуджаюцца рэспубліканскімі органамі дзяржаўнага кіравання і іншымі дзяржаўнымі арганізацыямі, падпарадкаванымі Ураду Рэспублікі Беларусь, аблвыканкамамі, кіруючымі органамі рэспубліканскіх грамадскіх і рэспубліканскіх дзяржаўна-грамадскіх аб’яднанняў (саюзаў) з улікам меркавання працоўнага калектыву, у якім працаваў грамадзянін.

Пенсія за асаблівыя заслугі ўстанаўліваецца ў памеры атрыманай пенсіі, прызначанай у адпаведнасці з пенсіённым заканадаўствам або заканадаўствам аб дзяржаўнай службе ў Рэспубліцы Беларусь, і павышэння за асаблівыя заслугі. Памер павышэння за асаблівыя заслугі вызначаецца камісіяй у кожным канкрэтным выпадку з улікам заслуг грамадзяніна, якому ўстанаўліваецца пенсія за асаблівыя заслугі, і не можа перавышаць 250 працэнтаў мінімальнага памеру пенсіі па ўзросце.

Па ўсіх пытаннях можна атрымаць кансультацыю ва ўпраўленні па працы, занятасці і сацыяльнай абароне райвыканкама на асабістым прыёме або па тэл. 2-05-12.

Я. Драчылоўская,