Сонечным кастрычніцкім ранкам з асаблівым настроем і душэўным хваляваннем спяшаліся вучні ў сцены роднай школы, каб перадаць любоў і падзяку сваім настаўнікам у дзень прафесійнага свята. Да гэтага дня яны рыхтаваліся сур’ёзна, адказна і з творчым запалам.
Утульна, па-асенняму, у фае школы размясцілася фотазона «На школьных хвалях», дзе кожны вучань змог пакінуць на доўгую памяць фотаздымак са сваім любімым настаўнікам, альбо «прымераць» на сябе роль настаўніка і нават дырэктара школы.
Музычная праграма «Для Вас», складзеная вучнямі па заяўках настаўнікаў, задавала настрой на ўвесь дзень.
Традыцыйна ў школе быў арганізаваны Дзень самакіравання, які дазволіў вучням старэйшых класаў паспрабаваць сябе ў ролі настаўніка, адчуць адказнасць і складанасці настаўніцкай працы, а магчыма, і вызначыцца з будучай прафесіяй . І з гэтай задачай рабяты справіліся паспяхова.
У рамках святочнага дня адбыўся майстар-клас з прадстаўнікамі педагагічных дынастый, настаўнікамі вышэйшай кваліфікацыйнай катэгорыі, выдатнікамі адукацыі Санько Н.К. і Сурага Т.М.
Тамара Мікалаеўна, выпускніца Валеўскай сярэдняй школы, абрала прафесію сваёй маці, якая працавала настаўнікам матэматыкі, і расказала аб шчаслівых гадах дзяцінства, праведзеных у сценах Валеўскай школы, аб яе традыцыях, аб настаўніках – прафесіяналах і выпускніках, якія сталі аўтарамі гісторыі ўстановы адукацыі.
Першы свой урок у ролі практыканткі яна правяла таксама ў роднай школе, у якую пасля заканчэння ўніверсітэта прыехала працаваць настаўнікам гісторыі.
Нэля Канстанцінаўна расказала пра свой педагагічны шлях, з якога 34 гады працавала дырэктарам школы, аб тым, якім жыццём жыла Валеўская школа і колькі таленавітай моладзі атрымала тут пуцёўку ў дарослае жыццё.
У форме дыялогу пакаленняў з выпускнікамі школы быў намаляваны вобраз школы і настаўніка ХХІ стагоддзя.
На гэтым свята не скончылася. Па-святочнаму аформленая зала размясціў сваіх гасцей за ўтульнымі столікамі для трансляцыі відэавіншаванняў, падрыхтаваных вучнямі школы, а таксама канцэртнай праграмы «Вялікі перапынак».
Як на сапраўдным вялікім перапынку, забурліла школьнае жыццё, поўнае шчасця і радасці, гумару і песень, а побач, як заўсёды, былі Настаўнікі і вучні – вечныя складальнікі сваёй альма-матар, імя якой Валеўская школа. Свята атрымалася!
намеснік дырэктара па вучэбнай рабоце
Валеўскага дзіцячага сада-сярэдняй школы