1 снежня – Сусветны дзень барацьбы са СНІДам. Гэты дзень служыць напамінам пра неабходнасць спыніць глабальнае распаўсюджванне эпідэміі ВІЧ/СНІДу. Стужка колеру крыві прысутнічае на эмблемах усіх арганізацый, звязаных з эпідэміяй. Гэта сімвал неабыякавасці, які заваяваў вялізную папулярнасць ва ўсім свеце.
У рамках Сусветнай кампаніі супраць СНІДу і Сусветнага дня барацьбы са СНІДам, актывістамі пярвічнай арганізацыі БРСМ імя Мікалая Шуляка Гарадзечненскага дзіцячага сада-сярэдняй школы, была праведзена акцыя “Чырвоная стужка”.
Мэта акцыі – прыцягнуць увагу школьнікаў да праблемы СНІДу, паінфармаваць іх пра шляхі перадачы ВІЧ, а таксама заклікаць да талерантнага стаўлення да людзей з ВІЧ. У акцыі прынялі ўдзел педагогі і вучні ўстановы. Валанцёры ўручылі ўсім чырвоныя стужачкі – сімвал барацьбы са СНІДам, а таксама раздалі інфармацыйныя буклеты.
Надзець чырвоную стужку – гэта самы першы крок. Наступны крок – гэта канкрэтныя дзеянні.
Лазар Вікторыя,
намеснік дырэктара па ВР Гарадзечненскага д/с-СШ