Конкурс праводзіцца з мэтай пазнання гісторыі, развіцця духоўнага і патрыятычнага выхавання.
Да разгляду прымаюцца вершы ўласнага сачынення на беларускай, рускай і польскай мовах. Конкурсныя работы павінны мець духоўны змест, прысвечаны гістарычнаму мінуламу і сённяшняму дню Любчы. Гэта творы пра вернікаў, пра знакамітых асоб і нашых сучаснікаў, пра хрысціянскія храмы, прыроду і культуру пасёлка.
Вызначаныя пераможцы атрымаюць каштоўныя падарункі.
Парафія св. Міхала Арханёла ў Навагрудку прапануе ўсім жадаючым прыняць удзел у гістарычнай віктарыне пад назвай «Што я ведаю пра Любчу».
- Адкуль пайшла назва Любчы?
- У якім годзе ўпершыню было згадана пра Любчу і ў якіх крыніцах?
- Каму належала Любча ў часы Вялікага Княства Літоўскага?
- Ёсць меркаванне, што менавіта ў Любчы быў пабудаваны першы касцёл у Вялікім Княстве Літоўскім. Як думаеце, якога вядомага чалавека, згодна гэтай версіі, тут хрысцілі?
- У якім месцы ў Любчы першы касцёл на тэрыторыі ВКЛ быў пабудаваны?
- Калі Любча атрымала Магдэбургскае права і герб?
- Калі быў узведзены замак у Любчы і на чые сродкі?
- Калі Любчанскі замак перайшоў Радзівілам?
- Які жаночы манаскі ордэн у міжваенны час служыў у Любчы?
- Чым вышэйузгаданы ордэн займаўся ў міжваенны час і дзе была асноўная пляцоўка яго дзейнасці?
- Калі замак быў спалены і хто быў вінаваты ў гэтым?
- У якім годзе ХХ ст. у Любчы быў пабудаваны касцёл і да якога часу ён праіснаваў? Што з ім стала?
- Што вы ведаеце з гісторыі царквы святога прарока Ільі ў Любчы?
- У якім годзе і кім была заснавана друкарня, якая існавала ў Любчы ў XVII ст., у якой друкаваліся кнігі па медыцыне, гісторыі, паэтычныя творы і інш.?
- Гэты кампазітар – яркая фігура ў гісторыі музыкі, ён стрыечны брат вядомага рускага пісьменніка. Некаторы час жыў у Любчы. Пра каго гаворка?
- Адна з самых тытулаваных парфумераў свету, якая нарадзілася ў Любчы, аўтар водараў-сімвалаў ХХ стагоддзя («Tresor», «Paris», «Eternity for Women», «Sotto Voce» і інш.
- Чым славіцца Любча ў харчовай малочнай прамысловасці?
- Уздоўж якой ракі размясцілася Любча? Якая даўжыня гэтай ракі, па якіх краінах працякае?
- Як будзе называцца новазбудаваны каталіцкі храм у Любчы і што азначае гэтая назва?
Вершы, кароткі аповед пра сябе, а таксама адказы на пытанні віктарыны дасылайце не пазней чым 15 чэрвеня 2019 года на адрас: г. Навагрудак, вуліца Савецкая, дом 2, касцёл святога Міхала Арханёла, або на электронную пошту faiushka@mail.ru.
Лепшыя паэтычныя творы, імёны і фотаздымкі тых, хто адкажа больш поўна на пытанні віктарыны, будуць надрукаваны ў газеце «Каталіцкі Навагрудак».
Фаіна Малюжэнец, г. Навагрудак
