Сёлета, пры правядзенні ўборачнай кампаніі непасрэдным удзельнікам жніва, а таксама службовым асобам, якія павінны забяспечваць бяспеку працы, хочацца нагадаць, што асноўным дакументам, які рэгламентуе бяспеку работ пры ўборцы збожжавых, з’яўляюцца правілы па ахове працы пры вытворчасці і пасляўборачнай апрацоўцы прадукцыі раслінаводства, зацверджаных пастановай Міністэрства сельскай гаспадаркі і харчавання Рэспублікі Беларусь ад 15.04.2008 г. № 36.
Збожжаўборачныя камбайны павінны быць укамплектаваны двума работнікамі, якія дасягнулі 18-гадовага ўзросту, маюць пасведчанне трактарыста-машыніста адпаведнай катэгорыі. Да кіравання камбайнамі і правядзення іх тэхнічнага абслугоўвання дапускаюцца работнікі, якія дасягнулі 18-гадовага ўзросту, якія прайшлі ва ўстаноўленым парадку медыцынскі агляд, прафесійную падрыхтоўку, навучанне і праверку ведаў па пытаннях аховы працы.
Перад выпускам на лінію службовыя асобы павінны праверыць тэхнічны стан сельскагаспадарчай тэхнікі. Асаблівую ўвагу неабходна надаваць наяўнасці прадугледжаных канструкцыяй ахоўных агародж (карданных, раменных перадач, а таксама частак і механізмаў, якія рухаюцца) і не дапускаць эксплуатацыю тэхнікі пры іх адсутнасці.
Забараняецца знаходжанне людзей у кузаве аўтамабіля або трактарнага прычэпа пры запаўненні іх збожжам. Для ліквідацыі скляпенняў збожжа ў бункеры камбайна неабходна выкарыстоўваць вібратар або драўляную рыдлёўку. Прапіхваць збожжа нагамі, рукамі або жалезнымі прадметамі катэгарычна забараняецца.
Пры змене месца працы выгрузныя шнэкі і іншыя прыстасаванні ўборачных машын, у тым ліку жняяркі, павінны быць пераведзены ў транспартнае становішча. Пры руху па дарогах агульнага карыстання жняяркі павінны транспартавацца на калясках.
Пры правядзенні пасляўборачнай апрацоўкі прадукцыі раслінаводства неабходна забяспечыць агароджу завальных і назіральных ям, бункераў-назапашвальнікаў.
Пры дапрацоўцы і захоўванні збожжа ў бункерах апошнія павінны быць абсталяваны ахоўным вечкам і зачыненыя на замок.
Вынікі праведзенай нагляднай дзейнасці сведчаць аб тым, што ў ходзе правядзення ўборачнай кампаніі ў сельскагаспадарчых арганізацыях усё яшчэ выяўляюцца парушэнні пры эксплуатацыі ўборачнай тэхнікі і зернесушыльнага абсталявання. Гэта адсутнасць ахоўных агародж ланцужных і раменных перадач на жатках збожжаўборачных камбайнаў і зернеачышчальных машынах, загрузных норыях і г.д. Адсутнасць рашотак на завальных ямах, люках і лазах бункераў для збожжа, неадпаведнасць параметраў рашотак патрабаванням бяспекі альбо адсутнасць замкоў для іх фіксацыі. Асаблівую трывогу выклікаюць выпадкі эксплуатацыі зернесушыльных комплексаў з незачыненымі, не агароджанымі праёмамі ў падлогах (для доступу ў бункеры) і франтонах КЗС, у якія магчыма падзенне работнікаў.
Многія парушэнні патрабаванняў аховы працы з’яўляюцца следствам неэфектыўнага кантролю з боку кіраўнікоў і службовых асоб арганізацый. Нярэдкімі з’яўляюцца выпадкі, калі і самі ўдзельнікі жніва бязладна ставяцца да выканання сваіх абавязкаў, што пасля прыводзіць да сумных вынікаў.
Пры наведванні ААТ «Уселюб» было ўстаноўлена, што падчас эксплуацыі зернесушыльнага комплексу КЗСВ-30, на яго завальнай яме рашоткі знаходзіліся ў адкрытым становішчы, эксплуатавалася металічная лесвіца, якая не прайшла выпрабаванне, не ўсе работнікі былі забяспечаны спецабуткам.
У ААТ «Кашалева-Агра» на двух збожжаўборачных камбайнах былі дапушчаны да выканання работ у якасці другога работніка (памочніка) асобы, якія не дасягнулі паўналетняга ўзросту (16 і 17 гадоў), якія не былі працаўладкаваныя ў дадзенай арганізацыі, а таксама з імі не было праведзена навучанне, інструктаж і праверка ведаў па пытаннях аховы працы.
Таксама пры наведванні сельскагаспадарчых арганізацый устанаўліваюцца парушэнні пры правядзенні рамонту тэхнікі, машын і агрэгатаў. У рамонтнай майстэрні ААТ «Уселюб» абразіўна-заточны станок не быў абсталяваны блакіроўкай запуску шпіндэля станка. Пры правядзенні работ па рамонце аўтамабіля МАЗ не была вывешана на рулявое кола таблічка «Рухавік не запускаць! Працуюць людзі!».
У ААТ «Кашалева-Агра» пры рамонце аўтапагрузчыка АМКАДОР замест патрэбных двух выкарыстоўваўся адзін супрацьадкатны чаравік, эксплуатавалася кран-бэлька, якая не прайшла агляд ва ўстаноўлены тэрмін.
У СРДУП «Свіцязь» пры правядзенні рамонту аўтатрактарнай тэхнікі эксплуатавалася самаробная кувалда з металічнай дзяржальняй, эксплуатаваўся абразіўна-заточны станок з зазорам паміж падручнікам і абразіўным колам, якое не адпавядала патрабаванням бяспекі і г.д.
Толькі правільная арганізацыя работ і кантроль з боку службовых асоб, няўхільнае выкананне патрабаванняў па ахове працы пры іх выкананні з боку працуючых, развіццё пачуцця адказнасці працуючых за ўласную бяспеку, выкананне сваіх працоўных абавязкаў у адпаведнасці з патрабаваннямі нарматыўных дакументаў, Захаванне вытворчай дысцыпліны, дазволіць стварыць здаровыя і бяспечныя ўмовы працы, а работнікам вярнуцца дадому жывымі і здаровымі.
І. Стромскі, начальнік Навагрудскага міжраённага аддзела Гродзенскага абласнога ўпраўлення Дэпартамента дзяржінспекцыі працы